         |
|
Jii GSCI gwizhìt gwitr’it t’agwah’in kat uunjit k’yùu ts’aii jidìi tthak eenjit gagoovoonìåtin, anjòo kat hàh gwitr’it t’agogwah’in. Aii gwik’ìighe’ yeenoo nits’òo t’àgwiinch’u’ gihk’àgaanjii aii gwizhìt uunjit k’yùu ts’aii ts’àt yeenoo dài’ gwik’ìt gwizhìt geenjit gihk’àgaanjii aii t’at neekaii gwizhìt geenjit jùu t’agwidi’in. GSCI eenjit digigwitr’ìt tthak t’at nankak gwà’àn akòo t’agidi’in jidìi yeenoo gwats’at datthàk nankak inihåik gwà’àn chan gwizhìt gwiinli’. Nagwidàdhat 1993 dài’ gwats’at, jidìi gwitr’it gogwàåtsaii gwalàt kat chan khaii leii gwizhìt akòo t’ageedi’in’ chan daankat jùutin ànts’àt giinlii chan gogwàåtsaii. Jii gwizhìt geenjit gwitr’it gogwàåtsaii nankak nihk’yùu kaiik’ìt goozrì’, nankak nits’òo yeenoo tr’igwiindai’, at’àn gwinzhih hàh nits’òo t’àtr’ìjâhch’uh, nan t’eh ejìich’ii kàgintih, anjòo kat gogwandàii eenjit gogoodahkat, làk tr’iinlii geenjit chan, dinjii zhuh ginjìk gwi’dìnehtå’èe’, yeenoo gwànoo aajii dhòh gwich’yàa tr’aåtsaii gwik’ìt tr’ahtsii chan, gehkhee ts’àt nijìn gwà’àn nan sridatr’igwijìinlik gwizhìt gwiyeendoo ganatr’ahaandaii geenjit gwiiniindhan gwizhìt gwitr’it t’atr’agwah’in’. GSCI gogwitr’ìt làt chan Canada gwidehtoh gwà’àn gwats’at juudìn gagootr’oonìåtin kat làt diiyàh gwitr’it t’agogwah’in’. Tthak jidìi tagòodhat t’at diiyeenjit gwiinzii gwitoh gwichùudhat. GSCI gwizhìt juudìn gaonìåtin kat jùunch’uu geenjit giheelyaa t’at jii juudìn gaonahtan aii gwitr’it gwizhìt geenjit gwitr’it gogwahahtsaa ts’àt uu’òk gwà’àn geenjit chan egwijìich’uu gihk’àgaanjik juudìn degree ts’àt gwitr’it t’agwah’in goots’àt tr’itr’iinjik. Masters’ ts’àt Ph.D ek’idhinjii kat chan diiyàh gwitr’it gogwàåtsaii geenjit, ginjih geenjit gihk’àanjii chan ts’àt gwinzhih gihk’àanjii chan, ts’àt yeenoo nits’òo tr’igwiindai’ geenjit gihk’àanjii kat tthak diiyàh gwitr’it gogwàåtsaii (goghoo hee t’at gok’iikhyuu chan giiyàh gwitr’it gogwàåtsaii).
|
|
